LionhearTV

Kabado si Direk Jun Lana na pag-initan ng MTRCB ang dinidirek niyang My Neighbor’s Wife ng Regal Entertainment.


“It’s so hot! Very hot! Ha! Ha! Ha!” saad sa amin ni Direk Jun nang tanungin namin kung gaano kainit ang movie.

Ang konsuwelo ng director, magagaling ang cast niyang sina Dennis Trillo, Lovi Poe, Carla Abellana at Jake Cuenca. Bukod sa pagpayag sa matitinding eksena, husay na husay pa siya sa mga acting na pinamalas nila.

“Si Dennis, akala ko, kung ano ’yung naipakita niyang galing sa drama, ’yun na ’yon! Hindi pala. Marami pa siyang husay na ipinakita sa movie.

“Si Lovi naman, mahusay talaga. Wala nang kuwestyon doon. Pero si Jake, humanga rin ako. Aral na aral niya ang character at preparado siya sa gagawin pagdating sa set.

“Revelation naman si Carla sa movie. Pati nga sa love scenes kay Dennis at halikan kay Jake, bigay na bigay rin! Ang sarap ng feeling kapag magagaling ang artist among dinidirek!” kuwento ng director sa amin.

Sa September 14 na ang showing ng MNW na tinatayang mainit, mapusok at mapangahas na movie ng 2011 dahil sa tema ng wife swapping!


Share