LionhearTV

Nagsimula na palang mag-shooting si Carmina Villarroel ng The Road, ang horror movie ng GMA Films na isa ang aktres sa mga bida.

Out na yata si Wendell Ramos sa cast dahil pangalan ni Marvin Agustin ang nabasa naming kaeksena ni Carmina.

Naikuwento ni Carmina ang tungkol sa bagong pelikula sa final presscon ng Amazing Cooking Kids, kung saan host siya na timing ang shooting schedule dahil tapos na ang reality cooking show ng mga bata at sa July 16, i-a-announce na kung sino kina Duday Reyes, Angela Clarke at Ronin Leviste ang mananalo.

Dahil pala sa pagho-host ng cooking show, nag-enroll na rin ng Culinary Arts si Carmina sa Magsaysay Institute of Hospitality & Culinary Arts.

Marunong na siyang gumawa ng soup, salad dressing at different style ng paghiwa.

Sa episode mamaya ng Amazing Cooking Kids, makakasama ng Amazing 3 ang kanilang pamilya at mga kaibigan.

Dadalhan din nila ng paboritong tinolang manok si Cong. Manny Pacquiao.

Naloloka lang si Carmina dahil may crush si Ronin sa anak niyang si Cassey at binigyan siya nito ng two bracelets na ang isa ay para sa anak.

Share