LionhearTV

Five years in the making at mahigit isang daang milyong piso ang ginastos sa kauna-unahang full length 3D animated feature film na RPG Metanoia na kasali sa MMFF. Ang Ambient Media, Star Cinema at Thaumatrope Animation ang nag-produce nito.

Sa presscon ng movie, pinapanood sa press ang full trailer ng movie at ang 5 minutes na simula ng movie.

Kamangha-mangha ang pagkakagawa ng animation, action scenes at mga characters at lalong magiging proud ang mga Pinoy dahil kababayan nating lahat ang gumawa nito, huh!

“With RPG, we will definitely put the Philippines in the map of 3D animation!” pagmamalaki ng isa sa producers ng movie.

Sa simula, hindi talaga kami maka-identify sa movie dahil hindi nga kami mahilig sa computer games. After explaining ang ibig sabihin ng RPG na role playing game gaya ng counterstrike at iba pa, at ang metanoia ay change, aba, nagkaroon kami ng interes na panoorin ang movie, huh!

Eh, mga sikat na artista pa ang nagbigay ng boses sa ibang karakter sa RPG gaya nina Aga Muhlach, Eugene Domingo at Vhong Navarro na sinamahan ng Kapamilya child stars na sina Zaijian “Santino” Jaranilla bilang bidang si Nico/Zero, plus Mika dela Cruz, Aaron Junatas, Basty Alcanses at Jairus Aquino, kaya naman maaakit ang mga batang panoorin ang movie.

Share