Television
Palaisipan sa amin kung sino kina Lovi Poe at Carla Abellana ang inaararo ng halik at romansa ni Dennis Trillo sa still picture na ipinadala sa amin ng eksena sa My Neighbor’s Wife ng Regal Entertainment.
Hindi kasi maaninag ang mukha ng babae pero for sure, isa sa dalawang aktres ’yon.
Apat lang kasi silang major characters sa movie kasama si Jake Cuenca.
Pero sa mga comment na natatanggap namin sa aming Facebook account, si Lovi ang hula nilang niroromansa si Dennis.
Eh, between Lovi and Carla, ’di hamak na mas mapangahas ang una sa pagpapaseksi on and off screen.
Wala siyang inhibitions kung masilip man ang kanyang alindog sa paghuhubad niya, huh!
Patunay ang mga seksing billboard ni Lovi pati na ang na-ban niyang Belo billboard na walang takot talaga ang young actress sa pagdi-display ng kahubdan niya.
Pero malay natin, bumigay na rin si Carla sa first ever sexy and daring role niya sa MNW?
Hindi naman porke matapang si Lovi sa hubaran, eh, patatalbog na si Carla. Mas masarap nga namang abangan ang pagpapaseksi ng isang babaing maamo at may inosenteng mukha gaya ni Carla, ’no?
Malalaman sa Sept. 14 kung sino kina Lovi at Carla ang nilantakan ni Dennis ng halik sa picture pati na rin ang mga pasabog ni Jake na alam naman nating wala ring pakialam ibuyangyang ang katawan.
Share
0 comments