LionhearTV

Masaya si Annabelle Rama sa magandang feedback sa full trailer ng My Valentine Girls na naka-upload na sa YouTube.

Sa meeting kahapon ng Valentine movie ng anak niyang si Richard Guierrez ay naikuwento ni Bisaya ang positive feedback ng mga kaibigan niya sa trailer ng My Valentine Girls.

Inutusan pa ako ni Bisaya na hanapin sa YouTube ang trailer ng My Valentine Girls at pinanood niya ‘yon.

Tuwang-tuwa si Bisaya dahil totoo raw pala ang kuwento ng kanyang mga kaibigan.

“Cute nga. Akala ko, binobola lang ako ng mga kaibigan ko. Nagustuhan ko ang napanood ko,” sey ni Bisaya.

Maganda ang pagkakagawa ng trailer at exciting na panoorin ang buong pelikula.

Ipinagmalaki ng mga ka-meeting ni Bisaya sa pangunguna ni Mother Lily Monteverde na parang tatlong malaking pelikula ang ginawa sa My Valentine Girls.

“Naku, takot ko lang sa‘yo, Bisaya, kaya kahit ang mamahal ng locations ng pelikula, payag ako kaagad,” sey ni Mother Lily kay Bisaya.

Napakaganda ng takbo ng meeting kahapon para sa My Valentine Girls dahil lahat sila ay na-in love sa ganda ng trailer ng pelikula.

Siyanga pala, mamayang gabi ipapalabas ng sa primetime ng GMA 7 ang full trailer ng My Valentine Girls.

Share