LionhearTV

Masayang nag-text si Albert Martinez para ibalitang graded A ng CEB o Cinema Evaluation Board ang Rosario, ang unang pelikulang dinirehe niya at entry sa Metro Manila Film Festival.


“PG 13” o “Parental Guidance” without cuts naman ang classification nito sa MTRCB (Movie Television Review and Classification Board), kaya hindi lang si Albert ang masaya, kundi ang buong Team Rosario.

Sa “A” grade at “PG-13” without cuts classification ng pelikula, magbago sana ang desisyon ni Albert na matagal pa bago siya magdirek uli ng pelikula. Curious ang tao sa susunod niyang project.

Siguradong tuwang-tuwa ang buong cast ng Rosario, sa pangunguna nina Jennylyn Mercado, Yul Servo, Sid Lucero at Dennis Trillo, sa magandang balitang ito at dapat lang na ma-promote nang husto ang pelikula.

Samantala, pinaaabangan ni Albert ang float ng movie sa Parade of Stars sa December 24.

“You should see it, it will set the trend next year. Magugulat na lang ang mga tao, ayaw kong sabihin kung magkano ang budget ng Cinemabuhay at Studio 5 para roon.”

Share